Gangbraut frá Bólstaðarhlíð yfir Lönguhlíð að göngustíg inn á Klambratún.

Hér er mjög eðlilegt að leggja gangbraut. Í fyrsta lagi er göngustígur beint inn á Klambratún vestan megin á Lönguhlíð. Næstu gangbrautir yfir Lönguhlíð eru hins vegar við Flókagötu í norðurátt og Miklubraut í suðurátt. Í öðru lagi gengur mikill fjöldi daglega inn á Klambratún daglega á þessum stað. Sérstaklega fólk með börn, vagna, kerrur, eldri borgarar og aðrir sem hafa ánægju af útivist Klambratúni. Í þriðja lagi er nánast eins og þetta hafi verið á áætlun í áratugi en aldrei framkvæmt.

Það er alveg ótrúlegt að þessi hluti Lönguhlíðar sé svona „hraðbrautarleg“ eins og raun ber vitni. Sérstaklega miðað við umferð af fólki (börn í miklu magni) sem fer þarna yfir daglega. Þarna væri lítið mál og ódýrt að setja gangbraut, þó svo gönguljós væru eina rétta leiðin. Það er ekkert sem hvetur ökumenn að hægja á sér eins og staðan er núna og myndi gangbraut þó allavega gefa gangandi vegfarendum réttinn. Aukum öryggi barnanna okkar og okkar allra, nánast ókeypis!

Ég vil vekja athygli á því að þessi færsla sem er merkt 20. febrúar og fjallar um að tillagan sé ekki tæk kom inn í morgun 3. mars 2015 en ekki 20. febrúar eins og dagssetningin er merkt. Einnig tilkynningin um að hægt sé að kjósa um götuljós í staðin. Hér er því verið að reyna að falsa framvindu málsins, sem er hrikalega ósmekklegt og hlýtur að vekja upp lagalegar spurningar.