Þrengingar og merktargangbrautir í Engjahverfi og Rimahverfi

Það vantar algjörlega merktar gangbrautir í Rimahverfi og Engjahverfi (að undanskilinni einni að ég held við Miðgarð). Það mætti bæta við þrengingum í Gullengi og Langarima þar sem fer mikil umferð og umferðarhraði oft mikill og engin almennileg gangbraut fyrir börn á leið í skóla t.d. til að komast yfir þessar götur.

Ég tel að umferðaröryggi gangandi vegfarenda sé verulega ógnað í þessum hverfum. Við kennum börnunum okkar og lærðum það sjálf í uppvexti að það ætti að fara yfir götur á merktri gangbraut og þetta er það sem ég hef brýnt fyrir börnunum mínum. Þau færu ekki að heiman ef þessari reglu væri fylgt. Þar sem aðeins er ein merkt gangbraut í þessum hverfum. Öryggi gangandi vegfarenda er verulega ógnað og það þarf að bregðast við áður en slys verða að þessum völdum því umferðarhraði er einnig mikill.